Dydd Sadwrn Mawrth 20ed
Noson digon annifyr a chlywyd galwadau 2 Gwtiad Aur, yn golygu fod yr amgylchiadau yn addas ar gyfer atyniad goleudy.Erbyn y bore roedd yna ddwsin o Goch Dan Adain, Bronfraith, Cyffylog,Giach a Giach Fach yn agos at safle'r goleudy. Adar eraill a welwyd oedd 2 Pibydd yr Aber, Cornchwiglen a 2 Gwtiad Torchog o amgylch Solfach ynghyd a 3 Tinwen a 2 Siglen Wen. Gwelwyd 6 Socan Eira ymysg y Drudwy oedd yn bwydo ar y caeau ac roedd un Tingoch Du yn dal ar y fferm.Mae'r Dryw Penfflamgoch sydd wedi bod yn Gaeafu wedi dychwelyd i Gristin ac fe gofnodwyd 6 Siff Saff.