07/05/2010


Dydd Sul Mai 2il

Mae'r gwynt yn dal yn y gogledd ac felly nid oeddem yn disgwyl llawer o adar. Cofnodwyd Crec yr Eithin a Gyddfwen leiaf at restr eleni. Gwelwyd Sgiwen Fawr yn hedfan dros y mynydd yn cael sylw gan y gwylanod.Roedd Turtur a Turtur Dorchog, Gwylan Gyffredin a 3 Morwennol Bigddu yn pasio heibio ac roedd Cudyll yn y rhan Gogleddol. Gwelwyd 12 Tinwen, 18 Siglen Wen, 80 Wennol, 11 Gwennol y Bondo, 7 Gwennol y Glennydd, Telor y Gwair, 8 Telor yr Hesg, 8 Telor penddu, 3 Gyddfwen,Telor yr Ardd, 13 Telor yr Helyg a 5 Siff Saff.Gwelwyd Ydfran, 28 Nico,, 2 Pila gwyrdd, 2 llinos Werdd a Llinos Bengoch yn y bore.Daliwyd a modrwywyd Rhostog Gynffonfrith ar draeth Solfach ar ol iddi dywyllu.



Dydd Sadwrn Mai 1af.

Diwrnod tawel a phleserus gydag ychydig o adar.O'r diwedd roedd Telor yr Ardd wedi cyrraedd heddiw. Turtur yn y caeau ar, a Siglen ar Solfach cafwyd trafodaeth pa un oedd hon.Cofnodwyd 21 Telor Penddu yn cynnwys 11 a fodrwywyd yng Nghristin, teloriaid eraill oedd 6 Gyddfwen, 7 Telor yr hesg, 2 Droellwr bach, 6 Siff Saff a 22 Delor yr helyg. Gwelwyd 180 o wenoliaid, 16 Gwennol y Glennydd a 12 Gwennol y Bondo yn hedfan i'r gogledd. Roedd 2 Mor wennol bigddu yn ymyl Solfach ac roedd Rhostog Gynffonfrith yn dal ar y traeth a cofnodwyd 21 Siglen Wen a 28 Tinwen.Roedd ychydig o linosiaid yn dal i symud yn y bore yn cynnwys 15 Asgell fraith, 15 Nico, 6 Pila Gwyrdd, 2 Llinos Werdd a Llinos bengoch leiaf.
Dydd Gwener Ebrill 30ain.
Roedd y tywydd heddiw yn ei gwneud yn annodd i weld adar yn enwedig pa Foda a welwyd yn hedfan yn uchel yn yr awyr.Gwelwyd Gwydd Wyllt wedi aros ar y culdir yn y pnawn a gwenoliaid du yn pasio drwodd yn ystod y dydd, hefyd 26 Siglen Wen, 7 Telor yr Hesg, 4 Telor Penddu, 6 Siff Saff 14 Telor yr Helyg,12 Nico a 5 Llinos Bengoch.Roedd Rhostog Gynffonfrith a Pibydd Cyffredin yn dal o gwmpas gyda 12 Coegylfinir a 2 Cwtiad Torchog oedd wedi dechrau nythu, y tro cyntaf ers 2003.

01/05/2010


Dydd Sadwrn Ebrill 24ain

Gwelwyd 120 Telor yr Helyg,3 Corhedydd y Coed, 25 Telor Penddu, 15 Telor yr Hesg tua dwsin o Fronwen, aeth tua 300 o wenoliaid dros yr ynys yn y pnawn gyda 80 o Wenoliaid y Glennydd.

Gwelwyd Titw Tomos las yn yr helyg ac yna yn Nant.